23 студзеня ў 17.00 у мастацкай галерэі «Універсітэт культуры» адбудзецца адкрыццё выставы Type Directors Club (TDC), на якой упершыню ў Беларусі ўвазе гледачоў будуць прадстаўлены выдатныя прыклады шрыфтавога дызайну і тыпаграфікі, сабраныя з усяго свету.

Type Directors Club (TDC) – міжнародная арганізацыя, якая ставіць перад сабой мэту аказваць садзейнічанне прафесійнай адукацыі ў галіне тэорыі і гісторыі шрыфта, шрыфтавога дызайну, новых тэхналогій і магчымасцяў шрыфта як інструмента камунікацыі. Гісторыя Type Directors Club пачалася ў 1943 годзе, калі супрацоўнік аднаго рэкламнага агенцтва Дж. Уолтар Томпсан запрасіў чатырох сваіх калег сустрэцца падчас абеду і пагаварыць аб прафесійных праблемах шрыфтавога дызайну. У той час у рэкламных агенцтвах са шрыфтам працавалі альбо тыя, хто яго распрацоўваў, альбо арт-дырэктары. За адзін год колькасць удзельнікаў нефармальнага гуртка Томпсана вырасла, і ў кастрычніку 1946 года быў створаны Type Directors Club.

Сёння, праз семдзесят два гады, арганізацыя ператварылася ў міжнародную асацыяцыю, сябрамі якой з’яўляюцца спецыялісты з трыццаці чатырох краін. Type Directors Club – некамерцыйная прафесійная арганізацыя. Галоўная задача TDC – распаўсюджванне інфармацыі і ведаў аб шрыфтавым дызайне і аб тым, як лепш выкарыстоўваць шрыфт у розных сферах візуальнай камунікацыі, – як сярод прафесіяналаў, так і шырокай публікі ва ўсім свеце.

Вышэйшы знак прызнання прафесійных заслуг, поспехаў, укладу і дасягненняў у мастацтве і тэхніцы шрыфтавога дызайну і тыпаграфікі – медаль «Тайп дырэктарс клуба» – прысуджаецца раз у некалькі гадоў пэўным асобам і арганізацыям.

Выставы TDC дэманструюць лепшыя працы, адзначаныя на міжнародных конкурсах TDC 57 (тыпаграфіка) і TDC² (шрыфтавы дызайн), – якія арганізуюцца клубам. Кніжныя і перыядычныя выданні, плакат, айдэнтыка, рэклама і ўпакоўка, а таксама лепшыя наборныя шрыфты, спраектаваныя за мінулы год – усё гэта будзе ўпершыню паказана публіцы ў Мінску.

Ініцыяванне, арганізацыя і правядзенне TDC у Мінску: «Шрыфт-падзея»

Генеральны спонсар TDC у Мінску: Кампанія ARTOX (http://www.artox.com/)

Інфармацыйны партнёр TDC ў Мінску: Marketing.by (http://marketing.by/)

Выстава будзе працаваць з 23 студзеня па 6 лютага 2015 года.

Наш адрас: мастацкая галерэя «Універсітэт культуры»,

Кастрычніцкая пл.,1 (Палац Рэспублікі). Тэл.: 327-26-12.

Мы працуем: 11.00-19.00. Выхадныя: нядзеля, панядзелак. Уваход вольны.